Antonio Griezam agiye kwerekeza muri shampiyona ya Amerika "Major League Soccer"
Umukinnyi Antonio Griezman usanzwe akinira Athletico Madrid yatangaje ko agiye gusohoka muri iyi Kipe mu mpera z'uku mwaka wa Shampiyona; aho azakomereza muri Shampiyona ya Amerika (Major League Soccer).
Uyu mukinnyi w’imyaka 35, ufite agahigo ko gutsindira Atletico Madrid ibitego byinshi kurusha abandi, atangaza ko ikiruhuko mpuzamahanga azacyifashisha yitegura kuva kuri sitade ya Riyadh Air Metropolitano ya Athletico Madrid.
Mu ntangiriro z’uyu mwaka, Griezmann yifuzwaga cyane n’ikipe ya Orlando City, yashakaga kumusinyisha kugira ngo azayitangire mu mwaka w’imikino wa (Mejor League Soccer) wa 2026.
Gusa uyu wahoze ari umukinnyi w’ikipe y’igihugu y’u Bufaransa yafashe icyemezo cyo gukomeza kugeza arangije imikino yo ku mugabane w’u Burayi akinira Atletico Madrid, kuko iyi kipe ifite intego yo kwegukana igikombe cya Champions League ndetse n’icya Copa del Rey.
N'ubwo byari bimeze bityo, ubu Griezmann yamaze gufata icyemezo cyo gusohoza inzozi ze zo gukina muri iyi Shampiyona ya Amerika, kuko ikinyamakuru Marca cyatangaje ko yamaze gutanga uburenganzira bwo kwerekeza muri Orlando City muri iyi mpeshyi.
Mu minsi iri imbere azerekeza muri Leta Zunze Ubumwe za Amerika kurangiza ibiganiro by’amasezerano n’iyo kipe yo muri Florida, aho Atletico Madrid yamaze kumuha uburenganzira bwo kubikora.
Greizam yasinyiye Athletico Madrid muri 2014 avuye muri Real Sociedad. Guhera muri 2019 yakiniye FC Barcelona mu gihe cy'imyaka ibiri ya Shampiyona ahava agaruka muri Athletico Madrid ku ntizanyo.
Antonio Greizam agiye gusohoka muri Athletico Madrid ayitsindiye ibitego 210 bimugira umukinnyi wa mbere mu mateka y'iyi Kipe watsinze ibitego biri hejuru ya 200.
