KAYONZA: Kweza ibigori byinshi byongereye umukamo w’amata

Guhinga mirongo irindwi ku ijana y’ ubutaka bw ’urwuri,ibikorwa by’ ubworozi bigakorerwa kuri mirongo itatu ku ijana ni amabwiriza yatanzwe na minisiteri y’ ubuhinzi n ’ubworozi ifatanyije na minisisteri y ’ubutegetsi bw ’igihugu.Aya mabwiriza yatumye mu mirenge ine yiganjemo ibikorwa by’ ubworozi  mu karere ka Kayonza harahinzwe kuri hegitari ibihumbi bibiri magana atanu .Aborozi bavuga ko bibaha umusaruro mu rwego rwo kongera umukamo.Abaganiriye na IZUBARADIOTV bo mu murenge wa Gahini  bavuga ko uretse kuba barejeje umusaruro w’ibigori n’ ibisigazwa by’ ibigori bejeje ari inyungu ikomeye mu kuzamura umukamo .

Kamugisha Nzaramba Jimmy ni umworozi wororeye mu kagari ka Kahi ,umurenge wa Gahini avuga ko bacyumva aya mabwiriza bayabonyemo umusaruro kuko yahinze igice cy’ urwuri rwe.

Agira ati’’Mfite hegitari cumi n’eshanu nabaye mpinzeho hegitari eshatu ariko ,ni igisubizo gikomeye kuko ibisigazwa by’ ibigori bifasha mu gutuma umukamo wiyongera.Jye ntabwo natinze kubyumva kandi n’umusaruro w’ibigori turawufite ni mwiza. Ibigori rero twejeje umusaruro wabyo uratanga amafaranga ununganire ibikorwa by’ ubworozi ,ni inyungu rero ikomeye cyane kuri twe n’inka zacu’’

Mugenzi we Ruterana Patrick nawe wororeye mu murenge wa Gahahini nawe abona ko guhinga mirongo irindwi  ku ijana ari inyungu kuko bizamura umukamo.Agira ati” Mfite inka eshatu z’umukamo ngemura litito cumi n’eshanu ku munsi .Ibi ndabikesha ku kuba mbere nari mfite nyinshi ndazigurisha,iyo rero haje gahunda twumva idufasha turayitabira.Niyo mpamvu nanjye nahise numva akamaro ko guhinga mirongo irindwi  ku ijana kandi narabikoze ibisigazwa by ’ibigori bihabwa inka bikazamura umukamo.Ikindi umusaruro w’ibigori byacu nta kibazo rwose ni ingirakamaro”

Nubwo hari abahise bitabira iki gikorwa ubuyobozi bw’ akarere ka Kayonza butangaza ko gukangurira aborozi kubyitabira ari gahunda ikomeza. Ubuso buri mworozi ahingaho mu rwuri rwe bukazamuka kuko harimo inyungu ku guhuza umusaruro uva mu bikorwa by’ubuhinzi n’ubworozi.Nyemazi John Bosco ni umuyobozi w ’akarere ka Kayonza   asaba n’abandi borozi kongera ubuso bahingaho mu nzuri zabo .Agira ati”Turashimira abitabiriye ku ikubitiro iyi gahunda kandi turakomeza gukangurira aborozi kuzamura ubuso bahinzeho kuko bifite akamaro guhinga mirongo irindwi  ku ijana. Ibisigazwa by’ibihingwa bigaburirwa amatungo umukamo ukiyongera.Yongeraho ati’’ Ni n’uburyo bwo kubyaza umusaruro amahirwe aba ahari ngo ubworozi butere imbere kuko umusaruro w’ibigori ugirira akamaro gakomeye abahinzi n’amatungo yabo ubworozi bukamera neza’’ 

Mu nzuri zo mu mirenge yigajemo ubworozi ya Gahini,Mwiri.Murundi na Ndego hahinzwe kuri hegitari ibihumbi bibiri Magana atanu  zizagenda ziyongera kandi kuri hegitari hasarurwa toni enye .Bivuze ko guhinga kuri mirongo irindwi ku ijana mu karere ka Kayonza hasaruwe toni ibihumbi icumi gahunda akaba ari ukuzongera .Ubu hahinzwe ibigori ariko ibihingwa aborozi banifashisha ibisigazwa byabyo mu kugaburira inka harimo soya ndetse n’ibigori .

 Titien Mbangukira/Kayonza