Ubushinwa buvuga ko Amerika ikwiye guhagarika iterabwoba kuri Cuba nyuma y’uko uwahoze ayiyobora arezwe.

Ubushinwa bwasabye Leta Zunze Ubumwe za Amerika guhagarika gukoresha “itotezwa” n’“iterabwoba” ku gihugu cya Cuba.

Ibi byavuzwe nyuma y’uko Amerika iregeye Raúl Castro wahoze ari perezida wa Cuba w’imyaka 94, icyaha cyo kugambanira no kwica Abanyamerika.

BBC News yanditse ko Urukiko rwo muri Amerika rushinja Castro kugira uruhare mu guhanura indege ebyiri mu mwaka wi 1996. Bivugwa ko Izi ndege zakoreshwaga n’umutwe wa _Brothers to the Rescue_ w’abatavuga rumwe na Leta ya Cuba baba muri Florida. Abantu 4 nibo bapfiriye muri icyo gikorwa, barimo Abanyamerika 

Castro ni ahamwa Niki cyaha ashobora guhanishwa igifungo cya burundu cyangwa igihano cy’urupfu.

Perezida wa Cuba Miguel Díaz-Canel yise ibyo birego “umugambi wa politiki utagira ishingiro mu mategeko”.

Umuvugizi w’ububanyi n’amahanga bw’Ubushinwa, Guo Jiakun, yavuze ko Amerika ikwiye kureka gukoresha ibihano n’inkiko nk’intwaro yo gushyira Cuba mu gatebo. Yavuze ko Ubushinwa bushyigikiye Cuba mu kurinda ubusugire bwayo.

Leta ya Trump yongereye ibihano kuri Cuba, inabuza amavuta kwinjira muri icyo gihugu, bikaba byarateye kuzima kw’amashanyarazi no kubura ibiribwa.

  Ubushinwa na Cuba bifitanye umubano wa hafi kuva mu 2014 ubwo Perezida Xi Jinping yasuraga Cuba.

Mu 2018 Cuba yinjiye mu mushinga wa _Belt and Road_ w’Ubushinwa.