Ubwongereza:Bukayo Saka agiye kugaruka mu kibuga.
Umutoza w’ikipe ya Arsenal mu Bwongereza Mikel Arteta yavuze ko umukinnyi we umaze amezi atatau ari mu mvune agiye kugaruka kuri uyu wa Kabiri tariki 01 Mata 2025,dore ko umukino Arsenal izakira Fulham ashobora kubanza mu kibuga.
Nkuko tubikesha ibinyamakuru byo mu Bwongereza kuva Bukayo Saka yavunika Arsenal yagiye ibura rutahizamu wamusimbura dore ko Gabriel Jesus,ndetse na Kai Havert wo mu gihugu cy’Ubudage nabo basa nk’aho bavunikiye rimwe,akajya yifashisha Calafiori w’Umutaliyani kandi asanzwe akina hagati.
Kuva umutoza Arteta yaza gutoza Arsenal mu mwaka wa 2019,Bukayo Saka amaze kuyitsindira ibitego 52 mu mikino 176 amaze kuyikinira,yateye amashoti 410, akaba ndetse yarahereje imipira 44.
Ikipe ya Arsenal kugeza ubu iri ku mwanya wa kabiri muri Shampiyona y’Ubwongereza n’amanota 58 ikaba irushwa na Liverpool ya mbere n’amanota 12,kuko Liverpool ifite amanota 70,kuri uyu w akabiri tariki ya 1 Mata irakira Fulham mu mukino wa Shampiyona y’ikiciro cya mbere mu gihugu cy’ubwongereza.
Lucien KAMANZI
