Ubwongereza :Arsenal y’abagore yakatishije itike ya ½ cya Uefa Champions League

Iyi Kipe y’abagore yacunguwe n’umukinnyi Russo watsinze ibitego bibiri muri 3-0 batsinze Real Madrid mu ijoro ryakeye tariki 26 Werurwe 2025,bikaba byatumye Arsenal yigaranzura ikipe ya Real Madrid kuko umukino ubanza Real Madrid yatsinze ibitego 2-0 muri Espagne.

Kamanzi

Mar 27, 2025 - 10:54

Mar 27, 2025 - 11:07

Ubwongereza :Arsenal y’abagore yakatishije itike ya ½ cya Uefa Champions League

Bishimiye insinzi (Ifoto /Internet )

BBC Sport yanditse ko Arsenal yasabwaga gukora ikinyuranyo k’igitego 1 akaba ari nabyo iyi kipe yambara visit Rwanda yakoze.

Ikipe ya Arsenal ikaba yakomeje muri kimwe cya kabiri kirangiza muri Champions League mu bagore babikesha umukinnyi Alessia Russo watsinze Real Madrid ibitego 2 muri 3 batsinze Real Madrid y’abagore akaba ari umukino wabereye kuri Stade ya Emirates mu Bwongereza.

Mariona Caldentey wahoze akinira ikipe ya Barcelona yinjije igitego cya 3 cyatumye iyi kipe ishimangira insinzi yatumye babona itike yo kwerekeza muri ½ cya Uefa Champions League.

Arsenal muri ½ izahura na Olympique Lyonnais y’abagore kuko nayo yasezereye Bayern Munich y’abagore aho yayitsinze ibitego 4-1.

Hatgerejwe indi mikino igomba guhuza Barcelona y’abagore yo muri Espagne na Wolfsburg yo mu budage ndetse na Chelsea y’abagore na Manicity mu bagore ,ubwo izizarokoka ebyiri nazo zikazabona itike ya ½.

Lucien Kamanzi