Ubwongereza: Newcastle yongeye gutwara igikombe nyuma y'imyaka 70

Nkuko Ikinyamakuru The sun  cyo mu Bwongereza cyabyanditse,  ya  Newcastle United yari imaze imyaka 70 itazi uko igikombe gisa, yatsinze Liverpool FC ibitego 2-1, yegukana Carabao Cup yaherukaga guhusha mu 2023 ubwo yatsindirwaga ku mukino wa nyuma.

Ibi bikaba byabaye mu ijoro ryo kuri iki Cyumweru, tariki ya 16 Werurwe 2025, ni umukino wabereye  kuri Wembley Stadium akaba ari umukino  w’irushanwa rya Carabao Cup.

 Ikipe ya  Newcastle United yagiye mu kibuga ibizi neza ko igikombe iheruka guha abafana bayo ari FA Cup yakinnye mu 1955, ndetse n’umutoza wayo Eddie Howe ashaka kuba umwongereza wegukanye igikombe afite ikipe yo mu Bwongereza kuva mu 2008 ubwo Harry Redknapp yafashaga Portsmouth gutwara FA Cup.

Muri uyu mukino wo kuri uyu munsi, Liverpool iheruka gusezererwa muri UEFA Champions League, ntiyabanje mu kibuga umunyezamu wayo Allison Becker, ndetse ikaba itari ifite na myugariro wayo Trent Alexander-Arnold wagize imvune.

Bigeze ku munota wa 45, ikipe ya  Newcastle United yabonye  igitego cya mbere ibifashijwemo na Dan Burn, bityo ijya kuruhuka ariyo  iyoboye. Nyuma y’iminota itandatu igice cya kabiri cyamaze gutangira, Alexander Isak ukomoka mu gihugu cya Suède yashyizemo ikindi ariko umusifuzi aracyanga hiyambajwe ikorana buhanaga rya VAR.

Nyuma y’umunota umwe gusa, rutahizamu Isak yashyizemo igitego cya kabiri, cyatumye igera ku munota wa 90,ndetse n’indi ine bongeye ho  igihagaze neza. Muri iyi minota umunani yongeweho ni yo Liverpool yashyiriyemo icy’impozamarira cyinjijwe na Federico Chiesa.

Newcastle yatsinze ibitego 2-1 ikaba yashimishije abakunzi bayo nyuma y’imyaka 70 uhereye mu mwaka wa 1955.

Lucien Kamanzi