Mpanja Housna Ayoub wakiniraga Geita Queens muri Tanzania yaguzwe na Rayon Sport WFC.
Umukinnyi Mpanja yaguzwe na Rayon Sport y'abagore, bimugira umukinnyi wa munani iyi kipe iguze nyuma ya Umutoni Raissa, Niyigena Fiona, Uwihirwe Josiane, Lukia Namubiru, Mukagatete Emelyne, Uwase Douja ndetse na Eyanga Guema Odette.
Rayon Sport WFC ikomeje kwiyubaka mu mu rwego rwo kwitegura imikino CECAFA yo gushaka itike ya CAF Women’s Champions League.
Iyi kipe ihagarariye u Rwanda muri iyi mikino, iri mu itsinda rya kabiri hamwe na CBE FC yo muri Ethiopia na Top Girls Academy FC yo mu Burundi.
Ni imikino iteganyijwe hagati ya tariki ya 4 n’iya 16 Nzeri 2025 muri Kenya. Iy’umwaka ushize ntabwo Rayon Sports yarenze umutaru kuko yasezerewe rugikubita.
Lucien KAMANZI
