Arabie Soudite: Sadio Mane yaraye atsinze ibitego 4 mu mukino umwe
Umukinnyi ukomoka muri Afrika,mu gihugu cya Senegal , ukinira ikipe ya Al- Nassr yo muri Shampiyona y’ikiciro cya mbere muri Arabie Soudite, yaraye atsinze ibitego 4 mu bitego 9 batsinzemo Ikipe ya Al -Akhdoud, Jhon Duran yatinzemo 2,Ayman Yahya atinda 1,mu gihe Mohammed Maran yatsinze nawe igitego .
Uyu wari umukino wa Shampiyona ya Arabie Soudite izwi ku izina rya Saudi Pro League wari ugeze ku munsi wawo wa 31, aho ikipe ya Al Nassr yakinaga na Al-Akhdoud. Muri uyu mukino Al-Khadoud yanyagiwemo ibitego 9, umukinnyi wayo Paulo Vitor ukinira Al-Akhdoud yabonye ikarita itukura ku munota wa 47.
Mu bitego icyenda, umukinnyi Sadio Mane yihariyemo ibitego 4 mu gihe umu nya Croatia Marcelo Brozovic wanakiniye Inter Milan yatsinze igitego kimwe muri uyu mukino.
Ikipe ya Al-Nassr kugeza ubu iri ku mwanya wa 3 wa Shampiyona ya Saudi Pro League, dore ko ifite amanota 63, mu gihe Al-Ittihad ya Karim Benzema ari yo iyoboye urutonde n'amanota 74 igakurikirwa na Al –Hilal ifite amanota 68.
Ikipe ya Sadio Mane na Christiano Ronaldo irishwa n'ikipe ya kabiri amanota 5 yose, mu gihe habura imikino 3 yonyine ngo Shampiyona igane ku musozo.
Mu mukino waraye uhuje aya makipe yombi, Christiano Ronaldo ntiyigeze awugaragaramo, yewe no ku ntebe y’abasimbura ntiyagaragaye.
Shampiyona ya Arabie Saudite izwi ku izina rya Saudi Pro League, ikomeje kwigarurira imitima ya benshi nyuma yo kujya igura abakinnyi b’ibihangange muri ruhago y’I burayi, muri bo twavuga nka Christiano Ronaldo, Karim Benzema, Sadio Mane, N’Golo Kante, Brozovic n’abandi batandukanye.
Lucien KAMANZI
Sadio Mane yatsinze ibitego 4 mu bitego 9 byatsinzwe
Umu nya Portugal Christiano Ronaldo ntiyagaragaye muri uyu mukino
