Ubwongereza: Erling Braut Haaland agiye kumara umwaka w’imikino adakina.
Nkuko tubikesha ikinyamakuru the sun cyo mu Bwongereza, rutahizamu w’ikipe ya Manchester City mu Bwongereza,Erling Haaland agiye kumara umwaka wose w’imikino adakandagira mu kibuga biturutse ku mvune ikomeye yagiriye ku mukino wahuje ikipe ya Manchester City na AC Bournemouth muri ¼ cy’igikombe cya FA Cup .
Uyu mukinnyi ukomoka mu gihugu cya Norvege ku mugabane w’Uburayi usanzwe akinira Manchester City mu gihugu cy’Ubwongereza akina asatira izamu nka nimero 9,kuri ubu amaze kuyitsindira ibitego 21 muri Shampiyona y’icyiciro cya Mbere mu Bwongereza,akaba yaratanze imipira 9 yose yavuyemo ibitego,kuri ubu ikipe ya Manchester City akinira ikaba yicaye ku mwanya wa gatanu,ikaba ifite amanota 48.
Erling Braut Haaland yasinyishijwe na Manchester City mu mwaka w’imikino wa 2021-2022,ikaba yaramukuye muri Shampiyona y’Ubudage izwi nka Bundesliga ,dore ko yakiniraga ikipe ya Borussia Dortmund.Kuva uyu mukinnyi yagera muri Manchester City, amaze gutsinda ibitego 84,yatanzemo imipira 16 ivamo ibitego,akaba amaze kugira uruhare mu bitego 100 byose,yayihesheje kandi ibikombe bya Shampiyona yUbwongereza bibiri,icya Uefa Champions League kimwe,ndetse n’igikombe cy’Igihugu cy’Ubwongereza(FA Cup).
Halaand avunitse mu gihe yagwaga mu ntege Mohamed Sarah wa Liverpool mu bafite ibitego byinshi,kuko Sarah afite 27 naho Halaand afite 21 kugeza ubu,uyu munya Norvege ntazitabira kandi n’imikino y’igikombe cy’Isi cy’amakipe kizabera muri Leta zunze Ubumwe za Amerika.
Lucien Kamanzi
