Umukino wahuje Inter de Milan na Barcelona Fc, ukaba waraye ubereye kuri Stade ya San Siro, amakipe yombi akaba yakinaga neza, gusa Inter de Milan yarushije cyane Barcelone Fc.
Inter Milan yari imbere y’abakunzi ba yo, yafunguye amazamu ku munota wa 21, ni igitego cyatsinzwe na Lautaro Martínez wo mu gihugu cya Argentine, ku kazi gakomeye kari kabanje gukorwa na mugenzi we Denzel Dumfries.
Inter de Milan yagaragaje urwego rwo hejuru, aho yotsaga igitutu FC Barcelona kugeza ubwo ku munota wa 45 w'igice cya mbere, yahise ibona ikindi gitego cyatsinzwe na Calhanoglu binyuze ku ikosa ryavuyemo penaliti rikorewe Lautaro Martinez. Ibi byatumye igice cya mbere kirangira Inter de Milan ariyo iri imbere n’ibitego 2-0.
Mu gice cya kabiri, FC Barcelona yashakaga kwishyura yaje ifite imbaraga, zinayifasha kwishyura igitego cyatsinzwe na Eric ku munota wa 54.
Nyuma yo kwishyura iki gitego, Barcelona yakajije umurego. Ku munota wa 60 w’umukino, umukinnyi Dani Olmo yahise atsinda igitego cya 2 ikipe zombi zihita zinganya.
Ikipe ya FC Barcelona yahise yigarurira umukino, n'ubwo Inter Milanyari iwayo. Yongeye kubona igitego ku munota wa 87 cyatsinzwe na Raphinha.
Iminota 90 y’umukino yarangiye amakipe yombi anganya ibitego 3-3, hitabazwa igice kidasanzwe cy'iminota 30 (|Extra-Time) mu rwego rwo gushaka ikipe yasezerera indi, ikaba yagera ku mukino wa nyuma.
Inter de Milan iyasunitswe cyane n’abafana ba yo, yabonye igitego ku munota wa 99 cyatsinzwe na David Frattes, maze ab’i Catalonia bataha mu marira kuko yaje gucunga iki gitego kugeza iminota 120 irangiye.
Inter Milan yegukanye intsinzi y’ibitego 7-6 mu mikino yombi, ibona itike yo kuzakina umukino wa nyuma, uzabera Allianze Arena mu Budage kuwa 21 Gicurasi 2025.
Ikipe ya Inter de Milan izahura n’iza gukuramo indi hagati ya Paris Saint-Germain yo mu Bufaransa na Arsenal yo mu Bwongereza ziza gukinira mu Bufaransa kuri stade Parc de Prince.
Mu mukino ubanza, Ikipe ya PSG yari yatsinze Arsenal igitego 1-0, umukino wabereye kuri Stade Emirates mu Bwongereza. Uyu mukino ukaba uteganyijwe ku isaha ya Saa tatu z’ijoro zo kuri uyu wa 7 Gicurasi.
Lucien KAMANZI
