Espagne: Antoine Griezman yongereye masezerano muri Atletico Madrid
Kuri uyu wa mbere nibwo Atlético Madrid yatangaje ko umukinnyi Antoine Griezmann yongereye amsezerano azagera muri 2027; bikaba byerekana ko yizeye kuzitwara neza mu gikombe cy’isi cy’ama (Club) kigiye kubera muri Amerika.
Mu mashusho yasohotse kuri Instagram, Griezmann yatangaje ko yishimiye kongera amasezerano muri iyi kipe; yizeza abakunzi bayo umunezero.
Ati "Atléticos, Nishimiye cyane gukomeza kwambara iyi myenda itangaje indi myaka myinshi. Nizeye kubazanira umunezero mwinshi. Atletico Madrid ndayikunda cyane."
Griezmann asinyiye iyi kipe kugeza 2027, ni mu gihe igiye kwerekeza muri Amerika. N'ubwu asinyiye ikipe ya Atléticos, ikipe ya Los Angeles FC yo muri Leta Zunze ubumwe za Amerika nayo yamwifuzaga.
Byari bimaze igihe bivugwa ko Griezmann azasezera kuri Atlético muri iyi mpeshyi, cyane ko Julián Alvarez ari we kuri ubu uhetse iyi kipe yo muri Espagne.
Antoine Griezman yageze muri Atletico Madrid muri 2021 nk’intizanyo, avuye muri Fc Barcelona, gusa mu mwaka wa 2022, Atletico Madrid yahise imugura. Kugeza ubu amaze kuyitsindira ibitego 37 mu mikino 101 amaze kuyikinira.
Uyu mugabo w’imyaka 34 y’amavuko,akaba yaravukiye mu Bufaransa dore ko yanakiniye ikipe nkuru y’abafaransa imikino 137, muri yo akaba atsindamo ibitego 44.
Ikipe ye ya Atléticos Madrid akinira yasoje Shampiyona ku mwanya wa 3 n’amanota 76 muri La liga ya Espagne, bityo ikaba ifite itike yo kuzitabira imikino ya Uefa Champions League ya 2025-2026.
Lucien KAMANZI
