Abakinnyi 10 ba mbere bo muri Afurika baguzwe agatubutse ku mugabane w’Uburayi
Igura n’igurisha ry’iyi mpeshyi ku mugabane w’Uburayi risize bamwe mu bakinnyi bakomoka muri Afurika bahinduye amakipe, abandi bakaba baragiye batizwa, naho bagenzi babo bakaba barongereye amasezerano mu makipe basanzwemo.
kuri uyu munsi nk'bitangazamakuru bya IZUBA tugiye kubagezaho 10 ba mbere bakomoka ku mugabane wa Afurika baguzwe agatubutse kurusha abandi.
Dore 10 ba mbere bahenze ugereranyije n’abandi bakomoka ku mugabane wa Afurika
Nk'uko tubikesha Ikinyamakuru AFRIK FOOT, uwa 10 ni Evann Guessand ukomoka muri Cote d’Ivoire, ku myaka ye 24 akaba yaravuye muri Nice yo mu Bufaransa yerekeza mu Ikipe ya Aston Villa mu Bwongereza(Premier League)
Umukinnyi uri ku mwanya wa 9 ni Wilfried Singo nawe akomoka muri Cote d’Ivoire, afite imyaka 24 akaba yaravuye muri Monaco yo mu Bufaransa(Ligue 1) yerekeza muri Galatasaray yo mu Gihugu cya Turukiya. Uyu yaguzwe Miliyoni 33.77 by’Amapawundi ku masezerano y’imyaka itanu yose.
Ku mwanya wa 8 hari Habib Diarra ukomoka muri umunya Senegal, yatandukanye na Strasbourg yo mu kiciro cya mbere mu Bufaransa yarerekeza muri Sunderland mu Bwongereza kuri Miliyoni 31.5 z’ama Euro.
Ku mwanya wa 7 haza Eliesse Ben Seghir wo muri Maroc, ufite imyka 20. Yaguzwe Miliyoni 32 z’Amapawundi aho yerekeje muri Bayern Leverkusen mu Budage ava muri Monaco mu Bufaransa.
Ku mwanya wa 6 hari umukinnyi Rayan Aït-Nouri wo muri Algerie, afite imyaka 24 gusa. Yavuye muri Wolverhampton yo mu Bwongereza yerekeza muri Manchester City kuri Miliyoni 36.8 z’Amapawundi ku masezerano azageza muri 2030.
Ku mwanya wa 5 haza umukinnyi Dango Ouattara wo muri Burukinafaso waguzwe na Brentford yo mu Bwongereza, avuye mu ikipe ya Bournemouth; uyu yaguzwe miliyoni 42.8 €.
Ku mwanya wa 4 haza umukinnyi Yoane Wissa w’imyaka 28 ukomoka muri RDC, yakiniraga Brentford mu Bwongereza, ayivamo yerekeje muri Newcastle kuri miliyoni 57.7 zama Euro.
Ku mwanya wa gatatu, haza umunya Gana Mohammed Kudus, wavuye muri West Ham yerekeza muri Tottenham ku giciro cya miliyoni 63.8.
Kuri uru rutonde, umukinnyi uza ku mwanya wa kabiri ni umunya Cameroon Bryan Mbeumo waguzwe miliyoni 81 €, akaba yarahoze ari rutahizamu wa Brentford mu Bwongereza; kuri ubu yarerekeje mu ikipe ya Manchester United nayo yo mu Bwongereza.
Ku mwanya wa mbere hari umunya Nigeria Victor Osimhen, uyu w'ikipe ya Galatasaray yo muri Turukiya yamusinyishije burundu, dore ko yari yaratijwemo; iza kwishyura Napoli yo mu Butaliyani miliyoni 75 €. Osmen yasinye amasezerano y’imyaka ine azageza mu mwaka wa 2029.
Lucien KAMANZI
Bryan Mbeumo ari mu bakinnyi bakomoka muri Afurika baguzwe menshi
