Ubwongereza: Bruno Fernades agiye kwerekeza muri Al-Hilal yo muri Arabia Saudite
Umunya Portugal Bruno Fernandes ashobora kwerekeza mu ikipe ya Al-Hilal yo muri Arabia Saudite mu gihe kitarenze iki cyumweru. Ibi bishingira ku biganiro iyi kipe yagiranye n'ushinzwe kureberera inyungu z'uyu mukinnyi; aho mu gihe byaba bikunze yatangwaho agera kuri Miliyoni 100 z'amapawundi.
Bruno Fernandes w’imyaka 30 umaze gutsindira ikipe y’igihugu ya Portugal ibitego 25 mu mikino 78, agiye kwereza mu ikipe ya Al-Hilal yo muri Arabia Saudite, avuye mu ikipe ya Manchester United.
Amakuru dukesha The Sun avuga ko perezida w’ikipe ya Al-Hilal Fahad bin Nafel, yagiranye ibiganiro byiza na Pinho ureberera inyungu za Fernades avuga Al-Hilal ishobora kuzajya ihemba Fernades ibihumbi 700 by’amapawundi buri cyumweru ku masezerano y’imyaka itatu afite agaciro ka miliyoni 200 z’amapawundi.
Al-Hilal irifuza uyu mu nya Portugal nk'umwe mabazayifasha mu mikino ikomeye dore izitabira imikino y’ igikombe cy’isi kizakinwa mu kwezi gutaha.
Nubwo Al Hilal iri kwifuza Bruno Fernandes, biravugwa ko ikipe ya Manchester United ikimukeneye, gusa kubera akayabo ari gutangwaho ikaba ishobora kumurekura igashakamo abandi bakinnyi.
Nyuma yo gutsindwa umukino wa nyuma w'igikombe cya Uefa Europa League, Bruno Fernandes yatangaje ko atazongera gukinira ikipe ya Mancheser United.
Yabitangaje agira ati "Nahoraga nitwara neza uko bishoboka kose. Nahoraga mvuga ko nzaba hano kugeza igihe iyi kipe izambwirira ko igihe kigeze nkaba nagenda,none igihe ni iki”.
Yakomeje agira ati "Niba iyi kipe itekereza ko igihe kigeze cyo gutandukana nanjye cyangwa ikindi icyo ari cyo cyose ni ko bimeze, kandi mu mupira w'amaguru rimwe na rimwe ni uku bigenda."
Umutoza wa Manchester United Ruben Amorim, mu ntangiriro z'iki cyumweru yatangaje ko Fernandes ari umukinnyi w'ingirakamaro muri iyi kipe ati "Mu byukuri Bruno Fernades ni ingirakamaro kuri twe kandi ni ingenzi rwose ku byo dushaka kubakana n'iyi kipe, bityo twumva tutandukana nawe".
Bruno Miguel Borges Fernandes, wakiniye Manchester United kuva mu mwaka wa 2020, yahereye mu Ikipe ya Novara mu butaliyani mu mwaka wa 2012-2013, akaba yarakinnyemo imikino 23 atsinda ibitego 4.
Muri 2013-2016 yakiniye Udinese yo mu Butaliyani, aho yayikiniye imikino 86 atsindamo ibitego 10; muri iki gihugu kandi yakiniye Sampdoria imikino 33 mu mwaka wa 2026-2017; ayitsindira ibitego 5.
Mu mwaka wa 2017-2020 yakiniye Sporting CP y’iwabo muri Portugal, mu mikino 83 yatsinzemo 39; ahava yerekeza muri Manchester amaze gukinira imikino 195 n'ibitego 62.
Lucien KAMANZI
