Rwanda: Rayon Sport y’abagore ikomeje kwiyubaka

Rayon Sports WFC iyoboye ruhago y’abagore mu Rwanda ubu, yatangiye kugira ibyo ibanza gukemura.

Mu byahereweho, harimo kongerera amasezerano bamwe mu beza yari isanganywe ariko bari barayosoje.

Abongerewe amasezerano, ni Uwanyirigira Sifa, Uwimbabazi Immaculée, Gikundiro Scolastique, Umuhoza Angelique na Nyirandagijimana Diane.

Amakuru dukesha UMUSEKE avuga ko aba bose bongereye amasezerano y’imyaka ibiri.

Gikundiro kandi, iri kwitegura kuzahagararira u Rwanda mu mikino ya Cecefa y’abagore yitabirwa n’amakipe yabaye aya mbere iwayo muri aka karere ka Afurika y’i Burasirazuba n’iyo Hagati [CECAFA].

 Biteganyijwe ko iyi [CAF Women’s Champions League Cecafa Zonal Qualifiers], izatangira ku wa 3 kugeza ku wa 19 Nzeri 2025 ikazabera muri Tanzania.

Lucien KAMANZI