Perezida Paul Kagame yageze I Lomé muri Togo.[Amafoto]

Perezida Kagame yageze i Lomé muri Togo kuri uyu wa Mbere, aho yitabiriye Inama n’Imurikabikorwa byerekeye Ubwikorezi bwo mu Kirere muri Afurika (African Air Transport Convention & Expo), iteganyijwe tariki 15-19 Kamena 2026.

Perezida Paul Kagame yakiriwe na Perezida w’Inama y’Abaminisitiri ya Togo, Faure Essozimna Gnassingbé.

Umukuru w’Igihugu azanagirana ibiganiro na Perezida w’Inama y’Abaminisitiri ya Togo, Faure Essozimna Gnassingbé.

Iyi nama yateguwe ku bufatanye bwa Komisiyo Nyafurika y’Indege za Gisivile (African Civil Aviation Commission) na Afurika Yunze Ubumwe, ikaba ihuza ba minisitiri bashinzwe ubwikorezi, abayobozi b’inzego z’indege za gisivili, abayobozi b’ibigo n’ibibuga by’indege, inganda, abashoramari ndetse n’abandi bafatanyabikorwa b’ingenzi.

By Jane Uwamwiza