"Jacob Oboth-Oboth watorewe kuyobora Inteko ishinga amategeko ya Uganda ni muntu ki?
Jacob Marksons Oboth-Oboth ni umunyapolitiki n’umunyamategeko w’Umunya-Uganda watorewe kuyobora Inteko Ishinga Amategeko ya Uganda kuri uyu mbere Tariki 25 Gicurasi 2026. Yatorewe manda y’imyaka 5 azasoza mu 2031, asimbuye Anita Annet Among.
1. Ubuzima bwe bwite n’Amashuri
Yavutse ku wa 13 Mata 1971 i Tororo, muri Uganda. Yize amategeko muri Kaminuza ya Makerere, akomereza kuri Law Development Centre aho yaboneye Dipolome y’Ubushinjacyaha. Afite kandi Masters mu mategeko yakuye muri Kaminuza ya Minnesota muri Leta Zunze Ubumwe za Amerika.
2. Ubuzima bwa politiki
Oboth-Oboth ni umudepite wa West Budama County South uhagarariye ishyaka NRM. Yabaye umuyobozi wa Komite y’Amategeko n’Imirimo y' Inteko, anayobora Komite y’Uburenganzira, Imyitwarire n’Amahame y'Inteko. Muri Guverinoma yari Minisitiri w’Ingabo wungirije ushinzwe imirimo rusange.
3. Inzira yatumye atorwa
Mbere y’amatora, Komite Nyobozi ya NRM na Perezida Museveni bamwemeye nk’umukandida w’ishyaka. Ashyigikirwa kandi na Gen Muhoozi Kainerugaba. Mu matora yabaye mu nama ya mbere y’Inteko ya 12, yatsinze afite amajwi 519 kuri 528, nyuma y’uko abandi 17 bari biyamaje bakuyemo kandidatire zabo.
