Minisiteri y'Urubyiruko n'iterambere ry'ubuhanzi igiye kongera inkuga igenera igikorwa cya Rubavu Music Awards and Talent Detection

Mu mugoroba wo kuwa 13 Kamena 2026, nibwo hatanzwe ibihembo ku bahanzi bakunzwe kurusha abandi mu karere ka Rubavu ndetse hanagaragazwa impano nshya zavumbuwe mu mirenge 12 y'aka karere; igikorwa cyabereye mu nzu mberabyombi ya Intare Kivu Arena.

Ni igitaramo cyitabiriwe n'ibyamamare bitandukanye bimenyerewe mu muziki Nyarwanda nka Muyoboke Alex, Prince Kizz ufite inzu itunganya indirimbo mu buryo bw'amajwi (Hybrid Music), umuhanzi Igor Mabano ndetse n'abandi batandukaniye.

Iki gitaramo kandi cyitabiriwe na Minisitiri w'urubyiruko n'iterambere ry'ubuhanzi, Utumatwishima Jean Nepo Abdallah; wari umushyitsi mukuru, aho yemeye ko Minisiteri ahagarariye izakomeza gushyigikira iki gikorwa ndetse no kucyongerera ubushobozi.

Ati "Icyo nakwemera ku rwego rwa Minisiteri y'urubyiruko n'iterambere ry'ubuhanzi ni uko iyi Rubavu music inkunga twabashije kubona izakomeza ariko tuzanongeraho n'indi kuri edition ya gatatu."

Minisiteri Utumatwishima yemeye kandi ko bagiye gufatanya na Vision Jeunesse Nouvelle, gukurikirana impano zavumbuwe; aho bazahabwa umwiherero (Camp) mu rwego rwo kubafasha gukomeza gusigasira impano zabo no kuzibyaza umusaruro.

Ati "Ikindi nemeye ubwo nahura n'umuyobozi wa Vision Jeunesse Nouvelle, ni uko aba bana benshi bahawe ibihembo, dukunze kubatakaza kuko nyuma y'aha ngaha baragenda ntitwongere kubabona."

Yakomeje agira ati "Tugiye gushaka uburyo twazakora camp, kuburyo abashobora kuzamura impano zabo zikazamuka zikarenga urwego ziriho, nabyo twazabikora. Ndagira ngo nacyo mbemere ko nyuma y'aha tuzagirana inama na camp y'aba bahanzi bose batsinze." 

Abahanzi begukanye ibihembo barimo Josskid wegukanye igikombe cy'umuhanzi mwiza w'umugabo (Best Male Artist), Ka Nyota yegukana icy'umuhanzi mwiza w'umugore (Best Female Artist) naho Fica Magic yegukana igihembo cy'umuririmbyi mwiza wa R&B.

Best Female of the year yabaye Ka Nyota wegukanye iki gihembo ku nshuro ya kabiri 

Indirimo nziza y'umwaka yabaye Cebo Ka Nyota yahuriyemo na T Blaise

Itsinda rya Alicia na Germaine niryo ryegukanye igihembo cy'umuhanzi mwiza w'indirimbo zo kuramya no guhimbaza Imana (Best Gospel Artist), banegukana kandi igihembo cy'indirimbo ifite amashusho meza (Best Video).

Big Deal yegukana icya (Best director), Phill Pauz yegukanye icya (Best Hip Hop Artist), mu gihe Rugamba Logan yegukanye icya (Best Boost Artist).

Igihembo cy'itsinda rya Alicia na Germaine cyakiriwe n'umubyeyi (Papa) wabo

Indirimbo ikunzwe i Rubavu yatowe ni (Cebo) ya T Blaise na Kanyota, Producer w’umwaka we aba Bertz Beat. Umuhanga mu kuvanga imiziki w’umwaka (Best DJ) yabaye Selekta Dady.

Umuhanzi uri ku rwego rw'igihugu ukunzwe mu karere ka Rubavu yabaye Bruce Melodie; wahawe iki gihembo ubwo yari mu bitaramo bye bya Country Summer Tour byaheraga i Musanze.

Igihembo cya Bruce Melodie cyakiriwe na Muyoboke Alex usanzwe aharanira Inyungu z'umuziki wa The Ben

N'ubwo hatavuzwe uruhare rweruye Minisiteri y'urubyiruko n'iterambere ry'ubuhanzi yagize muri Rubavu Music Award & Talent Detection ibaye ku nshuro ya kabiri; amakuru ahari ni uko iyi Minisiteri ariyo yagize uruhare mu gutumira abahanzi bakuru (Riderman na Bwiza) basusurukije abitabiriye iki gitaramo.

Abafite impano zavumbuwe nabo bahawe ibihembo

Bahawe umwanya baragaza impano zabo mu mukino wahuriyemo ibyiciro byose by'impano zahize izindi

Bwiza usanzwe ahorana udushya yasusurukije abitabiriye iki gitaramo nyuma yo kwitabira icya Bruce Melodie I Musanze

Riderman yagaragaje ko ari umuhanzi mukuru ukunzwe n'abato ndetse n'abakuru