Kwibohora 32: I Burasirazuba mu turere twose hatashywe ibikorwaremezo
Kuri Stade y'Akarere ka Ngoma habereye ibirori byo kwizihiza umunsi mukuru wo Kwibohora 32. Ibi birori byabanjirijwe no gutaha ibikorwa by'iterambere byububakiwe abaturage hirya no hino mu Karere ka Ngoma harimo inyubaho zubatwe ku kigo nderabuzima cya Rubona mu Murenge wa Kibungo.
Perezida w'nteko ishinga amategeko umutwe w’Abadepite Kazarwa Gereturde yifatanyije nabo mu Karere ka kayonza mu murenge wa Rwinkwavu mu birori byo kwibohora
Hatashywe amazu 5 agenewe imiryango 10 yubatswe Ku bufatanye bw' ingabo na Police.
Mu Karere ka Rwamagana Ubuyobozi bw'Akarere bwifatanyije n'abatuye Umurenge wa Kigabiro mu gutaha umuhanda wa kaburimbo wa Saint Aloys-Nyagasenyi wa Km 1.8 n'ab'Umurenge wa Fumbwe mu gutaha ibiro by'Akagari ka Nyakagunga
Umunyamabanga Nshingwabikorwa w'Intara y'iburasirazuba Dr Jeanne Nyirahabimana ari kumwe n'Ubuyobozi bw'Akarere ka Gatsibo bifatanije n'abaturage bo mu Murenge wa Rugarama, kwizihiza umunsi mukuru wo kwibohora. Ni ibirori byabanjirijwe no gutaha bimwe mu bikorwa by'iterambere byakozwe.
Mu Karere ka Nyagatare mu Murenge wa Rukomo, hatashywe ku mugaragaro inzu y’ababyeyi yubatswe mu Kigo Nderabuzima cya Rukomo.
Abaturage bavuga ko iyi nzu y’ababyeyi nshya yaje ari igisubizo ku buzima bwabo
Mu Karere ka Bugesera,mu murenge wa Gashora ,habereye ibirori byo kwizihiza umunsi mukuru wo kwibohora 32,byabereyemo igikorwa cyo gutaha umurenge wavuguruwe.
Kimwe n'ahandi mu Gihugu hose kuri uyu munsi wo kwibohora 32 hatashywe ibikorwaremezo bitandukanye.
Jane Uwamwiza
