Vision Jeunesse Nouvelle FC yatsinze Impessa FC muri 1/2 mu irushanwa ry'abatarengeje imyaka 17
Ikipe ya Vision Jeunesse Nouvelle yanyagiye Impessa FC muri 1/2 cy'irushanwa ry'abatarengeje imyaka 17 mu mupira w'amaguru.
Iyi kipe yazamutse ari iya mbere mu itsinda ryayo B, yahuraga na Impessa FC y'abatarengeje imyaka 17 yabaye iya kabiri mu itsinda A.
Umukino wabereye ku kibuga cya Camp Kigali, iyi kipe yo mu karere ka Rubavu yatsinze Impessa FC ibitego bitanu ku busa; biyiha amahirwe yo kuzakina umukino wa nyuma w'iri rushanwa.
Umukino wo kwishyura utegenyije kubera kuri Stade Umuganda mu karere ka Rubavu tariki ya 01 Nyakanga. Ikipe izatsinda uyu mukino izahura n'Ikipe izatsinda hagati ya Marine FC y'abatarengeje imyaka 17 ndetse na FC Bayern Academy y'abatarengeje imyaka 17.
Bayern Munich Academy niyo yazamutse mu itsinda A ari iya mbere ikurikiwe na Impessa FC ya kabiri; ni mu gihe vision Jeunesse Nouvelle y'abatarengeje imyaka 17 yazamutse ari iya mbere mu itsinda B, izamukana na Marine FC ya kabiri.
