![Tom Close Mu basusurukije ab'I Nyagatare mu gitaramo Iwacu Muzika Festival 2026’ [Amafoto ]](https://izubaradiotv.rw/uploads/images/202607/image_430x256_6a5bd2c1728e4.jpg)
Messi yongeye kwandika amateka mu gikombe cy'Isi
Lionel Messi yongeye yongeye guca agahigo mu gikombe cy’isi, nyuma yo gufasha Argentina gutsinda u Bwongereza ibitego 2-1 muri 1/2 cy'irangiza aho yaraye aciye agahigo ko kuba umukinnyi umaze gutanga imipira myinshi yavuyemo ibitego (assists) mu mateka y'igikombe cy'Isi.
Ibi yaraye abigezeho nyuma yo gutanga imipira ibiri yavuyemo ibitego bibiri ubwo ikipe y’igihugu ya Argentina yaturuka inyuma igatsinda Ubwongereza ibitego bibiri 2-1. Messi yabanje guha umupira Enzo Fernandez ku munota wa 85’ nyuma y’iminota irindwi gusa yongera guha umupira Lautaro Martinez.
Kugeza ubu Messi amaze gutanga imipira 12 yavuyemo ibitego aho arusha mwene wabo Diego Maradona imipira 4 kuko we yatanze imipira 8 yavuyemo ibitego. Ikindi kandi niwe mukinnyi umaze gutsinda ibitego byinshi kurusha abandi mu mateka y'igikombe cy'Isi, kuko ubu amaze gutsinda ibitego birenga 21 aho arusha umufaransa Kylian Mbappe igitego kimwe gusa.
Ikipe y’igihugu ya Argentina yageze ku mukino wa nyuma w’igikombe cy’Iisi aho izahura Espanye yakuyemo ubufaransa muri ½. Uyu mukino uteganyijwe kuri iki cyumweru mu mujyi wa New York muri Leta Zunze Ubumwe za Amerika.
Jacques Roger NSHIMIYIMANA
